موضوع عن القلق

ما هو القلق

القلق : شعور سلبي لما بيزيد يستدعي الخوف وبوابة للوسواس من كتر التفكير .

القلق هو اني قاعد مش على بعضي بفكر ايه السئ اللي ممكن يحصل .

لانه بيفكر بطريقه سلبيه بأنه يتوقع كل السيناريوهات السيئه اللي ممكن تحصل أو متحصلش

بهدف اني احمي نفسي لما تحصل واكون مستعد لها

لكن اللي بيحصل ان يدي اوردر لعقلي أنه يستدعي السيئ ويبحث عنه ويشحنه كمان

ولما يحصل اهدي وانبسط لاني أكد لنفسي اني صح وبرتاح زي المثل وقوع البلاء ولا انتظاره

القلق زي النار بتاكل في البني ادم لانه بياخد طاقته وعشان كده الموضوع او الخطوه اللي بتاخد مجهود منه 20 %مع الشخص القلوق وتفكيره بتاخد 70% وده لانه بيفكر كتير في نفس الحاجه وسيناريوهاتها ويتوقع أكثر

وعشان كده بيحسوا ان الموضوع كبير وكتير واحنا بنقول عليهم بيكبروا الأمور ويدوها اكبر من حجمها وبالتالي بيقللوا خطواتهم وأهدافهم بيعملوا المهم والاولى فقط

القلقان بنحس معه بالتوتر وأنه مهزوز .دايما –

يحذر – يفكر – يشك

ويراجع كل الامور والأفعال وده يشتت تركيزنا من كتر تركيزه علي السلبي و تحذيرنا منه وبيضغط علينا و نحس معه بالخنقه

القلقان لا يستمتع باللحظة ولا الحدث ينتظر انتهائه .

القلقان يحمل اللي معه غضبه وعشان كده ممكن نحس ان التقصير مننا وان احنا اللي وحشين

وهنا ياريت:

1.نستعين بمختص يحررنا من مشاعر القلق من خلال تقنيات وتمارين

2.اكتب كل اللي قلقان منه وناقشه ووقفه فورا طبعا مش سهله ومش كل مرة تنجح وفي مرات هترجع بس علي الاقل هتعرف عقلك ان ده مش الطبيعي وتتعود عليه

*لو انت مع الشخص القلوق اعمل نفس النقطة واسأل نفسك هو قبقه له حق ولا زيادة وافصل نفسك عنه وعنه ضيقته .