دور الزوج ومسؤلياته بقلم ا – مريم طه

دور الزوج ومسؤلياته بقلم ا – مريم طه الأخصائية نفسية

دور الزوج ومسؤلياته

في أول الجواز بتبقي الحياه جديده وبنتفاجئ بالمسؤليات والطلبات والواجبات علي الزوجين

 وبتبقي نقله من حياه لوحدي من غير مسؤليه غير مسؤليتي فقط حتي لو مسؤلل عن أهلي وبيتهم بيبقي مساعده مني مش زي ما يكون دوري وواجبي اللي لو معملتوش هتلام أو يعتبر تقصير 

مع أهتمامي في إني أنجح فيه وأكون جيد ومثالي وقد المسؤليه في عيون الطرف الاخر وأهله وأهلي

فاللي بيحصل لما بنكون عايزين حاجه للبيت أو فيه مسؤليه أو مشكله أو حتي نشتري حاجه من سوبر ماركت 

الزوج بيستقبلها بمفاجأه أو صدمه

 لسه عقله مفتحش الملف ده بمعني مفتحش ملف جديد اسمه البيت وطلباته فبيحتاج يأخد وقته في الأستيعاب مع مساحه يتصرف فيها ثم تقدير علي تصرفه سواء كان صحيح أو لا 

ولو تصرفه مش في محله محتاج أستيعاب وانه عادي المره الجايه هيكون أفضل بدون اي لوم و نقد او تقليل ومش قولتلك 

وهنا بتوصل له رساله

انت المسؤل مفيش غيرك فبيفتح الملف بقوه ويطلع منه كل قدراته ويبدع فيه ولو أخد تقدير من زوجته هيحب الموضوع وأن هو اللي يتصرف ويتحمل وينجز المهام لانه هيحس بنفسه وقدراته وأعجاب من زوجته وده مابيريده الرجل في الزواج -لكن اللي بيحصل مني كزوجه أن عقلي بيكون قادر إنه يدخل أكتر من ملف في وقت واحد ومع حبي لبيتي وممكلتي وأكون الزوجه اللي بتقف جنب زوجها و صعبان عليكي أول ما بشوفه بيتفاجي و مغضوط من الطلب اللي البيت عايزه أو المسؤليه الجديده ببادر بعرض الحل وتقديمه وكمان بعمله 

وهنا بقفل الملف اللي كان هيتفتح فمع الموقف التاني بنعيد نفس العمليه من الاول وبالإخر بشيل أنا بردوا وهنا بوصله رساله أن مفيش داعي تفتح الملف وأن فيه مسؤل معاك يقدر يشيل زيه زيك عادي فبديلو أختيار أن ممكن يريح وده محبوب له ان زي ماكان ببيت اهله مع وجود حد بيتصرف فمش بيحس بمشكله تماما 

وهنا بتتحدد الأدوار ومع تكرار المواقف بيعتاد كل طرف علي دوره بالأول بتبقي الزوجه مبسوطه بإنها تتصرف في بيتها وواقفه بجانب زوجها ومنتظره التقدير اللي هو منتظره بردوا وميقدرش يشيد به لأنه أصلا منتظره منك 

أنتي بتبقي شايفه إنه حقك ماأنا اللي بعمل وشايله البيت أنت مجرد atm ده أوقات كمان هي بتشتغل ونقول الكلمه اللي بتوجعنا لكن بتصحينا هي أني بحس إني راجل البيت 

هو كمان بيفقد إحساسه بقوته وإنجازه بالبيت ويحس إنه بيقل قدامك فبيحتاج يعوض ده بإنه يتحكم و يقول لا علي بعض التصرفات وممكن يقلل منك وهنا بنشيل من بعض – نبعد ثم الجفاء والخناقات  ونكمل عشان مضطرين 

طيب أعمل ايه ؟

١- من الإول ومع أول موقف بقابله أوسع له يتصرف  بكل اريحيه وأي كان تصرفه 

٢- دورك دعم وتشجيع ومسانده نفسيه وليس عمليه 

كتوضيح قدراته – افكره بموقف مشابه هو اتصرف فيه ازاي 

٣-اصبري اصبري اصبري عارفه إنك عارفه الحل بس انتي بتبني ادوار البيت والبناء محتاج وقت 

– متقوليش صعبان عليا عشان هنا بتقلبي أم اللي بتدلع لأن حتي الأم في الموقف ده محتاج تصبر علي إبنها لما يطلع الحل 

– متكمليش دور الأم في التقطيم والتعديل والنقد علي تصرفاته حتي لو سلبيه 

ولو حضرتك الزوج فأصبر علي نفسك وخد الموقف والدور من أوله ووقف زوجتك بإنها تقوم بإي  تصرف – أشكرها علي روحها وموقفها وفهمها أنت ليه رافض إنها اللي تعمل وفهمها دماغك -انك بس محتاج تأخد وقت وانك عايز تريحها وتعملها

اترك رد

لن يتم نشر عنوان بريدك الإلكتروني.