كيف تعرف أنك في علاقة سامة؟ بقلم مريم عثمان، أخصائية نفسية وتعديل سلوك.
كيف تعرف أنك في علاقة سامة؟
The fox eats the rabbit
في قصة كده اسمها The fox eats the rabbit باختصار هو أرنب كان تايه في غابة وجعان، وطلع التعلب وعرض عليه الإقامة عنده وحيأكله ويشربه راح معاه الأرنب، بس اللي حصل كان العكس التعلب بدل مايقدم خدمته للارنب أكله.
هنا بقا تجي فكره أنت محتاج وأنا محتاج، الأرنب كان محتاج ياكل والتعلب كمان كان جعان فأكله.
من الشخص السام في العلاقة؟
السؤال هنا مين في الاتنين علاقة سامة؟
على الرغم من إن التعلب كان محتاج وأذى الأرنب، والأرنب بصفاء نيه صدقه ومشى وراه.
ولمجرد أنه طيب طالما أنا محتاجك وحمشي وراك، وفاتحلك الطريق لأذية، وأنت بتلعب لعبه صيادين السمك.
مثال: الو مين، مارو على الخط.
طب حلو وعرفت إنك مارو ورديت، وهنا بدأ الحوار بينا، وأنا اللي ردت بكامل قوايا العقلية.
سؤال: مين فينا اللي غلطان اللي اتصل ولا اللي رد؟
يعني هل لو أنا ماكنتش رديت كان الشخص ده حيتغير؟
السؤال هنا: كام واحد فينا أتعرض لعلاقة كانت toxic تحت مسمى إني محتاج الشخص ده في حياتي، ومقدرش أرفضله طلب؟
ومين الغلطان هل اللي أذى ولا اللي اتأذى؟
اللي عرف اللي قدامه هو محتاج ايه ولا اللي عرف محتاج ايه فأذاك واستغلك؟
أعرف منين إن اللي قدامي من الأول شخص ينفع أقوله احتياجي ايه ولا مينفعش؟
كم حد بنتعامل معاه من اللي حوالينا سام واحنا منعرفش ومكملين عادي؟
قد يهمك أيضًا 7 علامات تدل على أنك في علاقة مؤذية ! الأخيرة مدمرة!
ما معنى علاقة سامة؟
العلاقة السامة أو التوكسيك بتستخدم أسلوب في حد كده عايز أقوله كرهتني في حياتي الله يسامحك.
هل سبق لكِ أن التقيتِ بشخص يجعلك تشعرين وكأنكِ في فيلم رعب؟
إذا كان الأمر كذلك فربما تكون علاقتك معه سامة!
هذه الأشخاص يجب تجنبهم في العلاقات، لو كان شخص ما يرسل لكِ 100 رسالة في اليوم فهذه علامة على أنه يجب عليكِ التحرك بسرعة أو تغيير رقم هاتفك.
أصل دي أول بداية الوقوع في خدعة الاهتمام واحدة واحدة، وهوب يبدأ يتخفى الهروب من السيطرة المفرطة بكل هدوء.
حدوك لا تتجاوزيها، وإذا حاول شخص ما اختراق حدودك قدمي له خريطة طريق إلى بر الأمان، واتجهي بسرعة إلى طريق راحتك وسعادتك.
المغامرة في عالم العلاقات الصحية
أهمية بناء علاقات صحية وإيجابية
- انطلقي في رحلة إلى عالم العلاقات الصحية، حيث تجدين أشخاصًا يشجعونك على تحقيق أحلامك.
- البحث عن علاقة إيجابية لو كان شخص مايدفعك دائمًا إلى الأسف والحزن، فحاولي إيجاد شخص آخر يدفعك إلى المزيد من الضحك والسعادة.
إليكِ أيضًا كيف اعرف ان زوجي يكرهني؟ إليك 7 علامات تدل على أن زوجك يكرهك
عواقب الشخص السام
أقولك قومي اعملي مشروب سخن وفشار وشغلي فيلم كوميدي أو أي فيلم بتحبيه؛ لأن حرفيًا مهما عملتي حيفضل زعلان مضايق وأنتي شخصية مقصرة دايمًا.
أو في سيناريو آخر هو يعتذر ويتأسف ويقولك غصب عني مقصر في حقك، وأنتي تسكتي أول مرة تاني مرة، وبعدين حتوصلي لحاجة من اتنين.
يا حتكرهي نفسك وطريقة تعاملك وتبطلي تتعاملي مع الناس، وخايفة تقعي في حد تاني كدة.
يا إما حتعدي الموقف وتبطلي تعاتبي، وتبقي شبه اللي شايفة حد بيسرق ومكسل حتى يزعق.
اللي هو أنت غلط وأنا معنديش طاقة أعاتب ولا ألوم، وفجأة تكتشفي إنك بقيتي شخصية باهتة مالهاش ملامح.
طبعًا حتلاقي لوم وعتاب من الطرف التاني، وإنك مقصرة وبقيتي مش مهتمة، وليه بقيتي كدة وممكن يروح يعرف غيرك عشان أنتي بقيتي نكدية مش لايقة على شخصيته الفرفوشة.
ممكن مايعرفش غيرك بس أبسط حاجة حيروح الشغل، ويعيش حياته وينزل مع صحابه على القهوة، ويرجع ينام وأنتي صالحي نفسك بقا ربنا معاكي.
كيفية التخلص من علاقة سامة
فعلي ايه احنا أصحاب مرض وماشيين بالعلاج، وحتى العلاج مبقاش ينفع.
- حافظي على طاقتك ومجهودك لحاجة تفيدك.
- بلاش تخشي دايرة أنتي شايفة من أولها خازوق بلمبة ده مش بصيص أمل، حودي وخدي أول يوترن كدة واركني، خدي واحد مشروب سخن.
- اهتمي بنفسك وصحتك وجمالك وشغلك ودراستك، محدش حينفعك غير نفسك محدش حيشيل شيلتك، ولا حد حيعيش مكانك أيان كان مين.
- حبي روحك افهمي احتياجاتها ادلها وقتها في كل حاجة خلي وجودك يبقا مأثر ليكي نورك الخاص.
كوني قوية
نحن كوكب لا يهزمنا شيء.
نحن أبطال رواية لا تنفع دوننا، نحن أصل الرواية، نحن نتحكم في أبطالها وسبب وجود فصائل وقبائل بعد ربنا.
ركزي في قوتك الداخلية، نحن من قالوا علينا إن كيدهن عظيم.
نحن نصف المجتمع، نحن نون النسوة في اللغة العربية.
نحن من كتب لنا الشعراء دواوين وقصائد، فقط لفريقنا تمنوا فقط نظرة منا.
كوني قوية مقاتلة ومحاربة، فأنتِ من نسل حواء القوية.
لم نكن ولن نكون ضعفاء، نحن دروس تُدرَس دائمًا.
